Wednesday, December 04, 2013

www.heidifurre.com/diary

No flyttar eg på meg! Etter sju år her inne veit eg ikkje alltid kva eg skal sei her lenger. Men mjuke bilder og harde tekstar vil eg fortsette å legge ut på den fine dagbokfunksjonen eg har fått på heimesida mi: www.heidifurre.com/diary

Eg og Caroline skal skrive eit oppsummeringsinnlegg for årene med Kval&Actionfilm. Me har gått frå nitten til tjuesju! Inn og ut av leilighetar, forelskelsar, dårlige jobbar og bra jobbar. Eg lovar ein lykkelig slutt!

Monday, November 04, 2013

Det kjempestore bryllupsinnlegget

Eg nevnte tidlegare i år at eg kunne samle alle tips eg har plukka opp i bryllup og lage eit blogginnlegg av det. Om du ikkje går i giftetankar er det berre å scrolle forbi, for her kjem mykje info om bryllup. I år har eg fotografert elleve bryllup og vore gjest i eitt. Når eg ikkje har vore i bryllup har eg hengt over Photoshop og redigert bryllupsbilder, eller svart på mail frå brudepar eller hatt planleggingsmøter med brudepar. Man kan sei at eg har vore i bryllup frå mars til oktober. Det er ei finurlig boble å være i, og eg elskar å møte alle desse folka som har valgt å dele livet sitt saman, det føles alltid veldig stort. Alle bryllup er veldig forskjellige, og folk er så flinke til å sette sitt avtrykk på ein dag som ofte er prega av sterke tradisjonar. Eg har stort sett fulgt brudeparet frå tidleg morgon til sein kveld, og eg har fått komme veldig tett på. Eg har vore så heldig å få fotografere mange åpne, snille og velvillige folk som har tatt godt imot meg sjølv om eg har reist langt og ikkje kjenner nokon i bryllupet. Så, eg tenkte eg kunne komme med litt tankar om bryllup til dei som har planlagt bryllup til neste år. Dette er kun sett frå ein bryllupsfotografs perspektiv, og eg veit at det er veldig mange følelsar og forventningar rundt det å gifte seg. Det eg har opplevd som den einaste negative faktoren ved å gifte seg er stress. Det er fort gjort å bli stressa når man har store forventningar til ein dag, og man har kanskje brukt masse pengar og energi i planleggingsfasen. Desse tipsa handlar kanskje mest om korleis man kan roe litt ned, senke stressande forventningar og store utgifter. Ta det som det der er, nemlig bryllupsfotografens tips:
  
Forberedelsar om morgonen, antrekk, hår og sminke IMG_0131 IMG_0196 IMG_0639 IMG_4562 IMG_7758 IMG_2306 IMG_0059 IMG_4364
Forhåpentligvis har du fått ei god natts søvn. Start dagen på ein måte som gjer deg rolig og avslappa, få i deg god frokost og lunsj. Om du vil dele morgonen med forlovar, venner eller den du skal gifte deg med må du kjenne etter sjølv. Tradisjonen med at man ikkje skal sove med kvarandre natta før eller sjå kvarandre før vielsen står fortsatt veldig sterkt, men eg har inntrykk av at man søv dårligare og blir meir nervøs uten å sjå den andre før vielsen, så om du veit at du søv best med din kjære er det lov å droppe den tradisjonen. Det skapar jo litt spenning å ikkje ha sett kvarandre, så her kjenner dykk best kva som føles rett. Dei fleste vil jo sjå ut som den beste versjonen av seg sjølv når dei gifter seg, og om man går til frisør tar det ofte 3-4 timar. Tenk derfor nøye gjennom om du har lyst å bruke morgonen din på det, og sett i så fall av godt med tid. I nesten halvparten av bryllupa eg har fotografert har det blitt veldig travelt med tid etter hår og sminke, og det skapar unødvendig mykje nerver før vielsen. Hvis du trur du kan fikse hår og sminke sjølv, eller at venner/forlovar kan hjelpe deg er det like greit. Uansett om du velger profesjonelle eller om du vil gjere det sjølv, bestill ein prøvetime, og test ut alle produkt på huden din på forhånd, så slepp du ubehagelige overraskelsar. Når det gjeld antrekk er mitt einaste råd som fotograf å velge noko du føler deg fin i, ikkje noko som er for stramt, ubehagelig, eller som er vondt å sitte i. Brudekjole med fire meter langt slep virkar gøy i brudesalongen, men om det gjer det vanskelig å bevege seg, danse eller får deg til å måtte plukke løv og gras av slepet resten av dagen er det kanskje lurt å revurdere det. Ti lag med tyll og blonder er eye-candy på nært hold, men dei fleste druknar litt i det. Prøv å sjå etter kjolar andre plassar enn i typiske brudesalongar, for der er det tidvis ganske dyrt og dårlig. Tenk kvalitet og kva som kler kroppsfasongen din.  

Vielse
  IMG_8061 IMG_8077 IMG_8080 IMG_0851 IMG_4640 IMG_4810 IMG_4812
Her står tradisjonane sterkt, og det er nok ikkje uten grunn. Å gifte seg er ei alvorlig handling, og eg syns det er fint at vielsen er litt høgtideleg, man kan liksom spare moroa til etterpå. Det fins jo mange alternativ, kyrkje, tingrett, humanistisk eller andre trusretningar. Nokon velger å vie seg offisielt på forhånd i tingretten med kun forlovarar til stades, og heller arrangere sin eigen seremoni for gjestene etterpå. Nokon giftar seg humanistisk i ein park eller i ein skog. Her fins det ingen fasit, og her treng du ikkje høyre på verken mine eller nokon andre sine tips. Her handlar det kun om kva dykk er komfortabel med, og korleis dykk to har lyst å markere ekteskapsinngåelsen. Mitt einaste råd er å nyte det, for sjølve vielsen går ufattelig fort. Og det er ingenting å grue seg til, det er berre fint.


Lokaler og dekorasjon
  IMG_4986 IMG_2016 IMG_1597 IMG_1596 IMG_0584
Lokalet er ein av dei viktigaste tingene å prioritere(her er det fotografen som snakkar). Som fotograf meinar eg at lyset i lokalet er det aller viktigaste. Ikkje ha sommarfest i ei dunkel kjellarstove, eller i ein bunkers uten vindu. Vinduslys er veldig fint, og om kvelden er det fint med stearinlys, lyslenker og mjuke lyskjelder (lysekroner skapar lys som er behagelig for både fotografen og for gjestene). Då får du finare bilder! Prøv å unngå spottar eller lysstoffrøyr i taket, det skapar veldig hardt og uflatterande lys. Lokalet skapar dei fysiske rammene rundt bryllupet, og eg trur det funkar like fint å feire på eit slott som å feire på tunet til foreldrene dine. Om du velger eit lokale der mat og servering er inkludert sparar det deg for mykje jobb, sjølv om det kostar litt. Om du velger å gjere alt sjølv på ein låve blir det nok veldig mykje meir jobb, sjølv om du kanskje sparar litt pengar. Her må du nesten berre finne ut kva du drømmer om og ser for deg. Når det gjeld dekorasjon syns eg det er fint når man droppar blomsterbudsjettet og brukar årstidene for alt det er verdt. Rognebær, løv og epler om høsten, blåbærlyng og markblomstrar om sommaren, syriner og kirsebærblomar om våren. Man kan plukke det sjølv i nærmiljøet eller i nokon man kjenner sin hage, det er heilt gratis!




Middag og talar
  IMG_0609 IMG_0828 IMG_1823 IMG_1819 IMG_2007
Gjestene i "mine" bryllup har alltid vore like glade uansett om dei får servert trerettars eller pølser frå grillen. Alle elskar mat. Ein ting eg ofte merkar blant gjestene er at dei gler seg til middag, men dei gler seg ennå meir til festen. Lange middagar kan ta knekken på dei fleste, eg har sett folk både besvime og grine etter sju timar ved bordet. Ein enkel måte å korte ned på middagen er å droppe dessert, forrett eller begge. Prøv også å holde talane korte, 5-10 minutt held i massevis. Kort også ned på antall talar. Her har toastmasteren ein viktig rolle. Det er fort gjort å velge den mest utadvendte og pratsomme i gjengen, men hugs at toastmasteren har som rolle å holde styr på tidsbruk. Her trengs det lange sosiale antenner og evnen til å sei nei. Talar frå brudepar, forlovarar og nær familie er fint, men når kollega nummer to og tre vil holde tale er det heilt greit å sette strek. Femten talar under ein middag kan bli mykje, og det virkar som om dette er ei av dei største bryllupsfellene ein kan gå i. Personlig likar eg talar, og eg elskar å stå litt i bakgrunnen med kameraet mitt og høyre på. Hvis man er den som giftar seg, og kanskje er litt nervøs for talen sin kan du jo be om å få tale først, så kan du konstentrere deg om å nyte resten av talane når du er ferdig. Hvis man er gjest eller familie og skal holde tale, unngå den klassisk lange oppramsinga av livet til personen som giftar seg, det passar bedre til konfirmasjon. Fokuser heller på å snakke om dei to som giftar seg og kor fint det er. Kort, konsist, nært, ekte og kjærlig er mine stikkord. Eg er ein sucker for høgtideleg bordsetning, men ein av dei finaste bryllupsmiddagane har vore på var ein buffet, der man ikkje hadde faste plassar ved borda, man kunne heller sirkulere litt rundt for kvar gong man forsynte seg. Då får gjestene mulighet til å snakke litt med kvarandre, og du får også tid til å snakke med gjestene dine, og det blir ikkje så stivt. God mat er viktig, men heldigvis kan god mat være billig om man går for ein løysning uten servitørar og masse personale, men ber om litt hjelp frå venner og kjente.



Musikk, dans og fest IMG_1222 IMG_1843 IMG_1894 IMG_2410 IMG_5551 IMG_4012 IMG_2430 IMG_2438 IMG_2440
Her kjenner du deg sjølv best. Syns du det er gøy med live-band, kjør på! Vil du heller bruke ei spotify-speleliste du og gjengen din har satt saman, kjør på! Her har eg sett det meste funke veldig bra. Det einaste tipset eg har plukka opp er at det kan være lurt å ha eit lokale som gjer det mulig å trekke seg litt unna for dei som vil sitte å prate, og ha ein annan del av lokalet som dansegolv og la det være full fest der. Då får burde du og gjestene muligheten litt å slå ut håret fullstendig på dansegolvet, men også trekke seg litt unna for å prate når man er lei av å danse.  



Fotograf
  IMG_0538 IMG_6633 IMG_6657 IMG_5151 IMG_5150 IMG_5660 IMG_5620 IMG_1185

Det seier vel seg sjølv at eg syns fotografen er noko av det viktigaste i eit bryllup. Forutenom minnene er bildene det einaste du står igjen med etter bryllupsdagen. Det skjer kun den eine dagen, aldri meir. Med ein profesjonell fotograf kan du være tryggare på at hen har godt utstyr, og at bildene dine er i trygge hender frå første stund, at fotografen er flink til å ta backup av alle bildene dine så snart dei er tatt osv. Det er mykje jobb å være bryllupsfotograf, ofte blir det ein 15 timars lang arbeidsdag og 40 timar med etterbehandling av bildene. Eg tenker at det ikkje er vits å spare eit par tusenlappar på å ha fotograf halve dagen istadenfor heile, du har jo bildene dine resten av livet. Når du skal velge fotograf er det viktigaste at du likar stilen i bildene til fotografen. Hvis du vil ha ein fotograf som airbrushar huden din glatt og rynkefri, finn ein fotograf som er god på det, ikkje ein fotograf som jobbar meir dokumentarisk. Finn ut kva slags bilder du syns er fine, så er det lettare å vite kva du skal sjå etter. Send mailar til dei du trur kan passe og be om ein pris og eit opplegg. Eg vil anbefale å møte fotografen før bryllupet for å prate og planlegge litt. Fotografen skal følge deg ganske tett dagen du giftar deg, så det kan jo være fint at man har fått blitt litt kjent. Om du har eit veldig tydelig bilde av korleis du vil det skal sjå ut, prøv å formidle med så godt du kan med eksempelbilder og ord til fotografen. Det er eit stort ansvar å være bryllupsfotograf, eg kjenner fotografar som takkar konsekvent nei til bryllupsoppdrag fordi presset om å prestere bra blir for stort. Vær snill med fotografen, hugs på at 12 timar på beina med kamera rundt halsen er tøft (og sørg for at fotografen også får servert mat!). Om du velger å bruke ein venn med eit godt kamera får du sikkert masse fine bilder, men hugs at det er ein stor jobb å legge på nokon som ikkje er profesjonelle. Det finaste komplimentet eg har fått som bryllupsfotograf var når bruden sa på slutten av dagen at ho ikkje hadde tenkt noko særlig over at eg var der, men berre slappa av fordi ho visste at dagen blei dokumentert.

 IMG_6676 IMG_6646 IMG_6638  



Be om hjelp
  IMG_4964
Det er lov å be om hjelp. Sannsynligvis er dei fleste du kjenner berre glade for at dei kan bidra. Det kan være snakk om henting, kakebaking, blomsterplukking, kjøring, harryturar til Sverige, dekorasjon og enkle praktisk oppgåver. Du treng ikkje være den som går rundt i lokalet og tenner stearinlys når du er den som giftar seg. Gi vekk alle oppgåver du kan!



”Det perfekte bryllup”
  IMG_3354
Mange seier at bryllupet ditt skal være den lykkeligaste dagen i ditt liv. Det er altfor mykje press å legge på ein dag! Dessverre kan det virke som om presset øker i takt med kostnadane. Det er kun snakk om EIN dag, der man ofte har eit stramt tidsskjema med lite rom for improvisasjon. Eit ord som ofte går igjen er perfekt, at det må bli perfekt, og det er kanskje det ordet eg likar minst i heile verden. Mitt aller største råd til deg som giftar deg er å slappe av, ikkje stress. Kos deg med planlegging, og ikkje ha for stramt tidsskjema, ting tar ofte lenger tid enn du trur. Få i deg nok mat og drikke tidlig på dagen, det er ikkje gøy å sitte med dundrande hovudverk i sitt eige bryllup. Ikkje stress over detaljar på sjølve dagen, husk at det einaste som betyr noko er at du og partnaren din har lyst å dele livet med kvarande, og at dykk har valgt å bruke ein dag på å feire det. Livet dykk skal dele er langt, bryllupsdagen er kort. Prøv å nyte den. Eg trur ikkje det perfekte bryllup fins, så ikkje stress med å få det til å bli perfekt. Forhåpentligvis får du ein dag full av kyss, tårer, latter, varme og oppriktig kjærlighet. Det kostar deg ingenting.  


Ting skjer 

Sjølv om du har planlagt dagen godt, og føler deg avslappa i tida før bryllupet er det mykje rart som kan skje på sjølve dagen, og eg skjønnar godt at man fort kan la seg vippe av pinnen når ting går galt. Nokon fortalte meg om eit bryllup der bruden fekk eit rødvinsglas i fanget på starten av middagen, og det er selvfølgelig kjipt, men sånne ting skjer. Presten seier feil navn, songaren syng surt som eit esel, du blir ikkje heilt fornøgd hos frisøren, maten er kald, organisten dukkar ikkje opp osv. Lista er lang, og det er lett å ta ting tungt når man har nervene i høgspenn og store forventningar til dagen. Det er umulig å ha full kontroll over alt som skjer, og dette burde du slå deg til ro med på forhånd. Dagen blir som den blir, nyt den og le av dumme ting som skjer. Du har uansett resten av livet ditt til å kose deg med din kommande ektefelle.  


Øvrig
  IMG_2791 IMG_8161 IMG_8287

Det er din dag, og du kan bruke den til å gjere akkurat det du har lyst til. Mange føler at dei får eit sett med forventningar frå familie og venner til bryllupet sitt. Ikkje føl deg pressa til å ha kvit kjole, stå for all alkohol på festen, ta familiebilder, danse brudevals, gifte deg i kyrkja, ha mange gjester, ha ønskeliste på Glasmagasinet, gå i høge hælar eller holde tale. Det handlar kun om deg om din kommande ektefelle, ingen andre. Dei som er glad i deg og kjenner deg best vil deg alt godt. Gjer som du vil, tradisjonar er til for å brytast. Man treng ikkje sitte hos kvar sin frisør i fire timar på morgonen, man kan faktisk gjere det saman. Mine favoritt-øyeblikk i bryllup er når det uventa skjer, nattbading, glowsticks, ein varm og oppriktig tale, når bruden går opp på ein scene og begynnar å synge, konfettibomber, når nokon dansar til dressbuksa revnar, besteforeldre som tar av på dansegolvet og vielsar som får meg til å grine bak kameraet mitt sjølv om eg ikkje kjenner brudeparet.

Håpar dette funkar for deg som skal gifte deg, egentlig er jo det største tipset å ikkje høyre så mykje på andre og heller kjøre dagen som man sjølv har lyst.

Alle bilder på denne bloggen tilhøyrer oss, om ikkje anna er nevnt.

Kval&Actionfilm?